Comedor escolar

Normas do Comedor

Os usuarios do comedor han de comportarse correctamente. Isto implica hábitos correctos co material e os alimentos e actitude respectuosa cos demais comensais.

• Considérase horario de comedor dende a finalización da xornada lectiva da mañá ata a iniciación da xornada de tarde.
• Durante este tempo non se poderá permanecer nas aulas.
• Queda totalmente prohibido abandoar o recinto do Colexio (o portalón de acceso permanecerá pechado en todo momento).
• Os alumnos deberán entender que os vixiantes do comedor son os responsables durante este tempo, de tal maneira que respectarán e obedecerán as súas indicacións.
• Todos os meses entregaráselles a todos os usuarios do comedor o menú, que deberán entregar ós seus pais. Pode haber algunha pequena modificación, debido a algún reaxuste na organización do servizo.
• Todos os alumnos comerán o mesmo. Cando algún alumno non poida comer algo por motivos de saúde, será obriga dos pais presentalo por escrito ó encargado do comedor.
• Os alumnos como medida de hixiene, lavarán as mans antes de entrar a comer. Sería recomendable que trouxesen cepillo e pasta de dentes.
• Haberá dúas quendas de comedor: unha para infantil e primaria e outra para Secundaria.
• Terase un volume de voz moderado e comerase de todo en cantidade prudencial e coa debida educación e respecto cara ós demais. Os alumnos permanecerán sentados ata que os vixiantes de comedor llelo indiquen.
• Rematada a comida os alumnos poderán utilizar unicamente estes espazos:
  • Zona infantil: alumnos de infantil e 1º de primaria.
  • Pista deportiva superior: alumnos de 2º e 3º de primaria.
  • Pista deportiva inferior e parque: alumnos de 4º a 6º de primaria
  • Pavillón polideportivo: alumnos de Secundaria.
  • En días de chuvia ou frío, os alumnos de infantil e 1º de primaria irán á sá de audiovisuais e o resto ó polideportivo. Aquí, os de primaria ocuparán a pista e os de Secundaria as bancadas.
• Sempre haberá persoal vixiando ós alumnos nas distintas dependencias.
• Os alumnos comportaranse de forma disciplinada, de acordo co regulamento de réxime interno. Poderanse aplicar todas as correccións previstas, incluso privarlles do uso do comedor temporal ou definitivamente.